1 Corinthians 1

Isibingelelo

1UPawuli obizelwe ukuba ngumphostoli kaJesu Kristu ^a ngentando kaNkulunkulu ^b, loSostenesi ^c umzalwane, 2kubandla likaNkulunkulu eliseKorinte ^d, kubo abangcwelisiweyo ^e kuKristu Jesu, ababizelwe ^f ukuba ngabangcwele ^g, kanye labo bonke ababiza ^h ibizo leNkosi yethu ⁱ uJesu Kristu kuyo yonke indawo, eyabo kanye leyethu ^j: 3Umusa ^k kawube kini lokuthula okuvela kuNkulunkulu uBaba wethu leNkosini uJesu Kristu. 4Ngiyambonga uNkulunkulu wami ^l ngesikhathi sonke ngani, ngenxa yomusa kaNkulunkulu eliwuphiweyo kuKristu Jesu; 5ukuthi kuyo yonke into linothisiwe kuye, ekukhulumeni konke ^m lelwazini lonke ^{n , o}, 6njengoba ubufakazi ^p bukaKristu buqinisiwe kini; 7ukuze lingasileli lakwesinye isipho, lilindele ^q ukwembulwa kweNkosi yethu uJesu Kristu, 8ozaliqinisa ^r futhi kuze kube sekupheleni, ukuze lingabi lacala ^s ngosuku lweNkosi yethu uJesu Kristu ^t. 9UNkulunkulu uthembekile ^u, elabizelwa ngaye ^v ebudlelwaneni ^w beNdodana yakhe uJesu Kristu iNkosi yethu.

Ukuphikisana ebandleni leKorinte

10Ngiyalincenga-ke ^x, bazalwane, ngebizo leNkosi yethu uJesu Kristu, ukuthi lonke likhulume into ibenye ^y, njalo kungabi khona ukwehlukana phakathi kwenu, kodwa lipheleliswe ^z emqondweni munye lekuboneni kunye. 11Ngoba ngitsheliwe ngani, bazalwane bami, ngabakoKlowe ^aa, ukuthi kukhona izingxabano ^ab phakathi kwenu. 12Njalo ngitsho lokhu, kokuthi ngulowo lalowo wenu ^ac uthi: Mina ngingokaPawuli; kodwa mina okaApolosi ^ad; kodwa mina okaKefasi ^ae; kodwa mina okaKristu. 13UKristu wehlukanisiwe yini ^af? Kanti uPawuli wabethelelwa lina, kumbe labhabhathizwa ^ag yini ebizweni likaPawuli? 14Ngiyambonga uNkulunkulu ukuthi kangibhabhathizanga ^ah lamunye wenu, ngaphandle kukaKrispusi ^ai loGayusi ^aj; 15ukuze kungabi khona othi ngabhabhathiza ebizweni lami uqobo ^ak. 16Futhi ngabhabhathiza lendlu kaStefana ^al; ngaphandle kwalokho kangazi ukuthi ngabhabhathiza omunye umuntu. 17Ngoba uKristu kangithumanga ukuthi ngibhabhathize, kodwa ukuthi ngitshumayele ivangeli; kungeyisikho ngenhlakanipho yelizwi ^am, hlezi isiphambano sikaKristu senziwe ize ^an.

Ukuhlakanipha kukaNkulunkulu lokomhlaba

18Ngoba ilizwi lesiphambano liyibuthutha kulabo ababhubhayo ^{ao , ap}, kodwa kithi abasindiswayo ^aq lingamandla kaNkulunkulu ^ar. 19Ngoba kulotshiwe ukuthi: Ngizachitha ^as inhlakanipho yabahlakaniphileyo, lokuqedisisa kwabaqedisisayo ngizakwenza ize ^at. 20Singaphi isihlakaniphi? Ungaphi ^au umbhali? Ungaphi umphikisi walumhlaba ^av? Angithi uNkulunkulu ^aw wayenza yaba yibuthutha ^ax inhlakanipho yalumhlaba yini ^ay? 21Ngoba kuthe ^az enhlakanipheni kaNkulunkulu ^ba umhlaba kawumazanga uNkulunkulu ngenhlakanipho, kwaba kuhle kuNkulunkulu ^bb ngobuthutha ^bc bentshumayelo ukusindisa abakholwayo. 22Ngoba lamaJuda acela isibonakaliso ^bd, lamaGriki adinga inhlakanipho; 23kodwa thina ^be sitshumayela ^bf uKristu obethelweyo, isikhubekiso kumaJuda ^bg, lobuthutha ^bh kumaGriki; 24kodwa kulabo ababiziweyo, kumaJuda kanye lakumaGriki, uKristu amandla ^bi kaNkulunkulu lenhlakanipho ^bj kaNkulunkulu; 25ngoba ubuthutha bukaNkulunkulu buhlakaniphile kulabantu, lobuthakathaka bukaNkulunkulu bulamandla kulabantu.

26Ngoba khangelani ^bk ubizo ^bl lwenu, bazalwane, ukuthi kababanengi abahlakaniphileyo ngokwenyama, kababanengi ^bm abalamandla ^bn, kababanengi abayizikhulu ^bo; 27kodwa uNkulunkulu ^bp ukhethile izinto zobuthutha zomhlaba, ukuze ayangise abahlakaniphileyo; njalo uNkulunkulu ukhethile okubuthakathaka komhlaba, ukuze ayangise okulamandla; 28lezinto eziphansi zomhlaba lezinto ezidelelekayo uNkulunkulu uzikhethile, lezinto ezingekho ^bq, ukuze enze zibe yize izinto ezikhona ^br; 29ukuze kungabikho inyama ^bs ezincomayo phambi kwakhe. 30Kodwa ngaye lina likuKristu Jesu, owenzelwa thina inhlakanipho ^bt evela kuNkulunkulu, lokulunga ^bu, lokungcweliswa ^bv, lohlengo ^bw, 31ukuze, njengokulotshiweyo ukuthi: Ozincomayo ^bx, kazincome eNkosini.